Kumbukumbu hunijiya, nizionapo karanga,
Mafutani huzitiya, wapishi kuzikaanga,
Chomboni huwayawaya, wapishi hazitapinga,
Huwezi kujikaanga, subiri wakukaange!
Wapishi zitangojeya, pasi na kujikaanga,
Muda wake kutimiya, lazima watazikonga,
Mafutani kujitiya, ni muhali kujiunga,
Huwezi kujikaanga, subiri wakukaange!
Mbona weye wajitiya, chomboni kujikaanga,
Hujui unapoteya, ukitwonesha ujinga,
Wapishi wamekisiya, waziwazi unaringa,
Huwezi kujikaanga, subiri wakukaange!
Wapaswa kuvumiliya, uweze kujijenga,
Usije anza kupaya, upishi wajapanga,
Wonesha hunayo haya, upishi wako kulenga,
Huwezi kujikaanga, subiri wakukaange!
Wapishi wamecheleya, kuona wajikaanga,
Macho wanakutupiya, kwa mbali wanakulinga,
Yote wamekuachiya, endelea kujipanga,
Huwezi kujikaanga, subiri wakukaange!
Usidhani utakoya, wondoke kwa hili janga,
Si vema kujitendeya, hajizalishi mkunga,
Hatima ukitokeya, maafa yatakuzonga,
Huwezi kujikaanga, subiri wakukaange!
Jukumu kuwaachiya, wanajua kukaanga,
Mafuta kuanziya, pa mlo kutia nanga,
Takuwa chema kimboya, siha njema kuijenga,
Huwezi kujikaanga, subiri wakukaange!
© Kimani wa Mbogo (07/01/2009)
Shairi hili linaelezea umuhimu wa kuvumilia na kusubiri wakati unaofaa kabla ya kufanya jambo fulani. Shairi hili linatumia mfano wa kupika chakula na kusema kwamba huwezi kujikaanga bila kupasua karanga, kupasha mafuta na kuweka chombo kwenye moto. Shairi hili linasisitiza kwamba kufanya mambo kwa haraka na bila kuvumilia kunaweza kusababisha maafa.
Shairi hili linasisitiza kwamba kila mtu anapaswa kujifunza uvumilivu na kusubiri wakati unaofaa kabla ya kufanya jambo fulani. Shairi hili linasisitiza kwamba kila mtu anapaswa kujitambua na kuwa na heshima kwa wengine, na kuepuka kujiona bora kuliko wengine. Shairi hili linasisitiza kwamba kila mtu anapaswa kuwa na nia njema na kujenga afya njema kwa kutumia chakula bora.
Kwa ujumla, shairi hili linatoa ujumbe wa kujifunza uvumilivu na kusubiri wakati unaofaa kabla ya kufanya jambo fulani. Linasisitiza kwamba kila mtu anapaswa kuwa na nidhamu, kujitambua, na kuwa na heshima kwa wengine. Linasisitiza pia umuhimu wa afya njema kwa kutumia chakula bora.
