Huyo mpigie simu, kusikia tasikia,
Atakuwa nayo hamu, ujumbe kukupashia,
Iwe ni simu adhimu, vipi ataitumia?
Bubu asiyeongea, tatumiaje rununu?
Kiduko asesikia, simu yake ndiyo gani?
Utakapo kumwambia, haelewi sikioni,
Wakati ukiwadia, ujumbe uwe bongoni,
Kiziwi asesikia, tatumiaje rununu?
Macho yake ni dhaifu, kwona simu asiweze,
Umemwingia upofu, japo tu asikilize,
Haja vipi taikifu, waziwazi nieleze,
Kipofu asiyeona, tatumiaje rununu?